رواية البلورة الوردية كاملة بقلم روزان مصطفى
يا فريد هات تاليا عشان أغيرلها
إتأففت وقالت لازم أطلع بنفسي عشان الاستاذ بينسى نفسه لما يقعد مع العيال
طلعت وهي شايلة عاليه على دراعها وقالتله خد عاليه طيب إلعب معاها لحد ما اغير لتاليا
إداها فريد البنوته وخد التانية وكانت لسه هتروح أوضتها سمعت التليفزيون بيذيع خبر
في أحد الاحياء البسيطة قامت فتاة بالأنتحار والسبب مجهول من أعلى شرفة المنزل ألقت بنفسها من دون التفكير في عائلتها ولا في عواقب فعلتها مش عارف أقول أيه لكن حقيقي ربنا يرحمها ويصبر والدتها وأهلها الأنسة سمر
ريماس شهقت وبرقت وهي بتبص لفريد
فريد بص لريماس ورجع بص للتلفزيون
جابوا لقاء مع أهلها فريد إفتكر بيتها لما راحلها هناك
حضنت ريماس بنتها وهي بتبص للتليفزيون بقرف وقالت لا حول ولا قوة إلا بالله مش عارفة أقول إيه ماهي بين إيدين ربنا
فريد بضيق قولي ربنا يصبر أهلها عشان ملهمش ذنب
ذنب مش عاملين رقابه على بنتهم و
فريد بمقاطعة ريماس من فضلك ! البنت إنتحرت يعني غالبا كدا إحنا اللي وصلناها لكدا
ريماس بحزن إحنا ملناش علاقة يا فريد إحنا كنا في حالنا وبنحب بعض هي اللي كانت بتعملنا أعمال وتاذينا
شال فريد بنته وقام وقف جمب ريماس وقال أنتي شايفة إنها قدرت أو اللي عملته دا غير اللي القدر كاتبه لينا إحنا مع بعض ومعانا ولادنا أهو وهي كدا مأذتش غير نفسها
سندت ريماس راسها على كتف فريد وقالت فاكر يا حبيبي أول يوم شوفتك فيه لما دخلتلك صنية الأكل
فريد وهو بيبوس راسها أكيد طبعا
ريماس بضحكة خفيفة أنا هنيم البنوتين وانت هتضطر شاكرا تحضرلي نفس صنية الأكل دي وتدخلهالي السرير عشان حيلي إتهد رضاعة وتغيير
ريماس مش عاوزين نتعبك معانا
فريد حط تاليا على الكنبة وجري ورا ريماس اللي شايلة عاليه وعماله تجري وتقول البنت ف إيدي
فريد بضحك بتتحامي فيها بقى عوزاني أجبلك الصنية لحد عندك
مسكها وهي شايلة البنت ف خد منها البنوته وحطها جمب اختها
وبعدين بصلها وقال جبتلك هدية
فريد بتصميم
ف راح ورا الكنبة جاب علبة كرتون
إداها لريماس أول ما فتحتها فرحت جدا وحضنته
بعدين قعدت على الكنبة جمب بناتها وفريد قعد جمبها
الهدية كانت عبارة عن بلورة وردية بس العروستين اللي جواها كانوا بيبي توأم
شغلت البلورة وحطتها على الترابيزة قدامهم
طلعت موسيقى هادية وجميلة ناموا عليها البيبيهات
وفريد حضڼ ريماس وهو بيبص للتلج المتناثر في البلورة الوردية
تمت بحمد اللهب
